Mexanika kafedrası

İxtisaslar haqqında 

Kafedranın nəzdində bakalavr səviyyəsində aşağıdakı ixtisaslar üzrə bakalavriat səviyyəsində mütəxəssis hazırlanır:
1.050638 Sənaye mühəndisliyi
2.050632 Nəqliyyat mühəndisliyi
3.050614 Həyat fəaliyyətinin təhlükəsizliyi mühəndisliyi

Magistratura səviyyəsində isə 060622 Yerüstü nəqliyyat vasitələrinin mühəndisliyi ixtisası üzrə mütəxəssis hazırlanır.

Bakalavriat səviyyəsinin, 050614 Həyat fəaliyyətinin təhlükəsizliyi mühəndisliyi ixtisası üzrə Təhsil Proqramı “Təhsil haqqında” Azərbaycan Respublikasının Qanununa, Azərbaycan Respublikasının Nazirlər Kabinetinin müvafiq qərarları ilə təsdiq olunmuş “Ali təhsil pilləsinin dövlət standartı və proqramına”, “Bakalavriat təhsilinin məzmunu və təşkili Qaydaları”nın tələblərinə və “Ali təhsilin bakalavriat səviyyəsi üzrə ixtisasların Təsnifatı”na uyğun hazırlanmışdır. Kafedranın ixtisaslarının bütün fənləri üzrə dərsliklər, dərs vəsaitləri, laboratoriya işləri və layihələrinin yerinə yetirilməsi üçün metodik göstərişlər vardır. Kafedra ixtisaslaşdırılmış auditoriyalara malikdir. İxtisas fənləri və ümumtexniki fənlər üzrə 25 ədəd fənn proqramına Azərbaycan Respublikası Elm və Təhsil Nazirliyinin qrifi verilmişdir.

050632-“Nəqliyyat mühəndisliyi”, 050638-“Sənaye mühəndisliyi”, 050614-“Həyat fəaliyyətinin təhlükəsizliyi mühəndisliyi” ixtisasları üzrə xarakreristika aşağıdakıları özündə birləşdirir:

– bakalavrın fundamental və peşə hazırlığına uyğun olaraq ixtisası üzrə iş sahələrində peşə fəaliyyətinə, eləcə də ixtisası üzrə magistraturada təhsil almağa hazır olmalıdır;

– mülkiyyət formasından və tabeleyindən asılı olmayaraq peşəsinə və ixtisas dərəcəsinə uyğun gələn istənilən istehsal sahələri, təşkilatlar, idarələr, müəssisələr, birliklər və s. sferalarda işləyə bilməlidir;

– mövcud qaydalara riayət olunmaqla müxtəlif təhsil müəssisələrində çalışa bilməlidir.

• Insanların həyatını qorumaq və təhlükəsizliyini təmin etmək kimi mühüm bir məqsəd daşıyan sahədə çalışmaq imkanı əldə etmək
• müasir təhlükəsizlik texnologiyaları, risk idarəetməsi, fövqəladə hallara hazırlıq və təhlükəsizlik standartları mövzuları üzrə təhsil alır

Kafedrada bakalavr pilləsi ilə yanaşı 2016/2017-ci tədris ilindən magistr təhsil pilləsində 060622-Yerüstü nəqliyyat vasitələrinin mühəndisliyi ixtisası üzrə Azərbaycan  Respublikası Nazirlər Kabinetinin 12 yanvar 2009-cu il tarixli 08 saylı qərarı ilə təsdiq edilmiş qeyd olunan ixtisas da fəaliyyət göstərir.

Azərbaycan Respublikası Nazirlər kabinetinin 11 fevral 2019-cu il tarixli 45 nömrəli qərarı ilə “Ali təhsilin bakalavriat səviyyəsi üzrə ixtisasların Təsnifatı”na əsasən (15 sentyabr 2019 tarixdən qüvvədə olan) Mingəçevir Dövlət Universitetində I ixtisas qrupuna aid olan (6.Texniki və texnoloji ixtisaslar qrupu-cəmi 40 ixtisas) “Mexanika” kafedrasında kadr hazırlığı aparılan  ixtisaslar barədə məlumat:

Azərbaycan Respublikası Təhsil Nazirliyi F-370 nömrəli 13.08.2020-ci il tarixli qərarı ilə təsdiq edilmiş bakalavriar səviyyəsininin ixtisas üzrə təhsil proqramına əsasən;

İxtisasın (proqramın) şifri və adı: 050632 – Nəqliyyat  mühəndisliyi

Mühəndislik ixtisasları üzrə Təhsil Proqramları, “Təhsil haqqında Azərbaycan Respublikasının Qanununa”, Azərbaycan respublikasının Nazirlər Kabinetinin müvafiq qərarları ilə təsdiq olunmuş “Ali təhsil pilləsinin dövlət standartı və proqramı”na, “bakalavriat təhsilinin məzmunu və təşkili Qaydaları”nın tələblərinə və “Ali təhsilin bakalavriat səviyyəsi üzrə ixtisasların Təsnifatı”na əsasən kadr hazırlığı aparılır. Bu ixtisaslar üzrə xarakteristika aşağıdakıları özündə birləşdirir:

• bakalavrın fundamental və peşə hazırlığına uyğun olaraq ixtisas üzrə iş sahələrində peşə fəaliyyətinə, eləcə də ixtisas üzrə magistraturada təhsil almağa hazır olmalıdır,
• mülkiyyət formasından və tabeliyindən asılı olmayaraq peşəsinə və ixtisas dərəcəsinə uyğun gələn istənilən istehsal sahələri, təşkilatlar, idarələr, müəssisələr, birliklər və s. sferalarda işləyə bilməlidir,
• mövcud qaydalara riayət olunmaqla müxtəlif təhsil müəssisələrində çalışa bilməlidir.

050632 – “Nəqliyyat mühəndisliyi” ixtisası üzrə hazırlanan mütəxəssis peşə fəaliyyətinə uyğun olaraq məzunlar yerüstü nəqliyyat vasitələrinin və dəmiryol nəqliyyat vasitələrinin və dəmiryol nəqliyyatı hərəkət vasitələrinin, onların aqreqat və mexanizmlərinin, texnoloji avadanlıq və komplekslərinin, idarəetmə sistemləri və cihazlarının tədqiqi, layihələndirilməsi, istehsalı, istismarı, servisi və təmiri müəssisələrində, yerüstü nəqliyyat və dəmir yolunun infrastruktur və idarəetmə şəbəkəsində, nəqliyyatla əlaqədar qəza, fövqəladə hallar və təbii fəlakətlərin nəticələrinin ləğvi proseslərini həyata keçirən təşkilatlarda, şəhər nəqliyyat və dəmir yol nəqliyyatının planlaşdırılmasını, yol hərəkətinin təşkilini, nizamlanmasını və idarə edilməsini həyata keçirən, nəqliyyat vasitələrinin təhlükəsizliyini təmin edən, avtotexniki ekspertizasını aparan, şəhər sərnişin daşımalarının hərəkət təhlükəsizliyini təmin edən müəssisə və təşkilatlarda və qeyd edilən sahələri əhatə edən tədris müəssisələrində işləyə bilərlər.

• Nəqliyyat sektorunda “layihə-konstruktor”, “İstehsal-texnoloji” və “Təşkilati-inzibatçılıq” səhələrində də işləyə bilərlər. Bunlara yerüstü nəqliyyat vasitələrinin, nəqliyyat-texnoloji komplekslər və avadanlıqlar və onların təmiri, modernizasiyası və modifikasiya edilməsi, nəqliyyat vasitələrinin istehsalı, nəqliyyat vasitələrinin infrastrukturu üzrə texniki və texnoloji sənədlərin işlənməsi, yol hərəkətinin təşkili və təhlükəsizliyinin təmin olunması, texniki servisin yerinə yetirilməsi və s. aiddir.

İxtisasın (proqramın) şifri və adı: 050638 – “Sənaye mühəndisliyi” ixtisası üzrə hazırlanan mütəxəssis peşə fəaliyyətinə uyğun olaraq;

• Sənaye mühəndislərinin işləyə biləcəyi sektorlar:
• Avtomobil, Tekstil, İstehsalat, İT, Maliyyə,Konsaltinq, Elektrik, Elektronika, Mədən və metal sənayesi, Telekommunikasiya, Tikinti, Qida, Kimya, Xidmət, Təhsil, Loqistika, Nqliyyat, Turizm, Səhiyyə, Enerji və s. Sənaye Mühəndislərinin işləyə biləcəyi sahələr arasındadır.
• Sənaye mühəndislərinin işləyə biləcəyi bölmələr:
• İstehsal planlaşdırma, logistika, keyfiyyət menecmenti, marketinq və satış, satınalma, insan resursları, məhsul və prosesin inkişafı, maliyyə planlaşdırma, tədqiqat və inkişaf, akademik karyera, innovasiya tətbiqləri, məlumatların idarə olunması və s. sahələr Sənaye Mühəndislərinin işləyə biləcəyi sahələr arasındadır.

Sənaye sektorunda tekstil müəssisələrində, maşın, qurğu və avadanlıqların istismarında, yarımfabrikat istehsalında, yüngül sənaye məhsullarının xammal tədarük müəssisələrində, çeşidlənmə və istehsal işlərinin planlanması və standartlaşdırılması və s. işlərdə fəaliyyət göstərə bilərlər. Sənaye mühəndisliyi ixtisasın kadr təminatının yaradılmasında məqsəd  əsasən Mingəçevir Dövlət Universitetinin yerləşdiyi regionun ən böyük müəssisələrindən biri olan “Mingəçevir Tekstil” MMC-nin ixtisaslı kadrlarla təmin olunmasıdır. Sənaye  mühəndisliyi ixtisası XX əsrin əvvəllərində universitetlər tərəfindən tədris olunmağa başlanılmışdır. ABŞ-da bu təhsil ilk dəfə olaraq 1908-ci ildə tətbiq olunur. 1926-cı ildə Berlin TU-da da eyni istiqamətli ixtisas tədris olunmağa başlayır. Bu ixtisas ilk vaxtlarda “İqtisadiyyat və texnika” adlanırdı və elə də yaxşı qarşılanmırdı. 60-cı illərin sonuna qədər bu ixtisası çox az universitetlər tədris edirdi. Daha sonra adı Sənaye mühəndisliyi olaraq dəyişdirilir. Bu gün isə çox geniş yayılmışdır. Azərbaycanda ixtisas bir o qədər tanınmasa da, çox maraqlı və dəyərli ixtisasdır. Karyera perspektivliyi baxımından ABŞ-da 3-cü yerdədir.

Qeyd: Sənaye mühəndisliyi və davamlı inkişafın idarə edilməsi eyni ixtisasdır. Aralarındakı fərq Sənaye mühəndisliyi ixtisasına 1-ci qrup, davamlı inkişafın idarə olunmasına isə 2-ci qrup imtahanı ilə daxil olmaq olur. Bundan başqa 1-ci qrupda ixtisas üzrə texniki fənlərə üstünlük verilir, 2-ci qrupda isə daha çox iqtisadi fənlərə üstünlük verilir.

Ixtisasın qısa təsviri:Sənaye mühəndisliyi insan,avadanlıq, bilik, inteqrasiya, enerji, material, zaman və proses kimi qaynaqların ən yüksək səviyyədə istifadə olunması və sənaye işlərində keyfiyyətin artırılması ilə məşğul olan mühəndisliyin bir sahəsidir. Sənaye mühəndisliyi riyazi, fiziki, sosial və mühəndislik elmlərinin sintezi ilə təsvir edilir. Hazırlama sistemlərinin tətbiqində bu sahə vaxtın azaldılması, pul, material, enerji və başqa resursların qənaətini əldə etməyə imkan verir. Sənaye mühəndisliyi yeni istehsalın yaradılması və daha da inkişaf etdirilməsi və ya mövcud istehsalın yenidən qurulması və modernləşdirilməsinə yönəldilmiş xidmətlər kompleksidir. Mühəndislik bu prosesin yalnız texniki tərəfini deyil, həm də bir müəssisənin xüsusiyyətlərini nəzərə alaraq tam hüquqlu strateji planlaşdırmanı nəzərdə tutur. Sənaye mühəndisliyi müəssisənin rifahına nail olmaq üçün ən müasir və effektiv yolların məcmusu hesab edilir

İxtisasın (proqramın) şifri və adı: 050614 – Həyat fəaliyyətinin təhlükəsizliyi mühəndisliyi

  “Həyat fəaliyyətinin təhlükəsizliyi mühəndisliyi” 2023-2024-cü tədris ilindən qəbul aparılan ixtisası üzrə hazırlanan mütəxəssis peşə fəaliyyətinə uyğun olaraq;

• ixtisas üzrə işləyə biləcəyi sektorlar:
• Fövqəladə Hallar Nazirliyinin tabeliyində olan Regional Mərkəzlər, Dövlət Yangınsöndürmə Xidməti, Sənaye müəssislərində, Fabrik və Zavodlarda SƏTƏM xidməti, Avtomobil, Tekstil, İstehsalat, Elektrik, Elektronika, Mədən və metal sənayesi, Tikinti, Kimya, Səhiyyə, Təhsil, Loqistika, Nəqliyyat, Enerji sektorunda SƏTƏM mütəxəssisi və s. Həyat Fəaliyyətinin Təhlükəsizliyi mühəndisliyi ixtisasını bitirən məzunların işləyə biləcəyi sahələr arasındadır.
• Həyat Fəaliyyətinin Təhlükəsizliyi mühəndisliyi ixtisasını bitirən məzunların işləyə biləcəyi bölmələr:
• Həyat Fəaliyyətinin Təhlükəsizliyi mühəndisliyi ixtisası üzrə mütəxəssislər insanların həyatını qorumaq və təhlükəsizliyini təmin etmək kimi mühüm bir məqsəd daşıyan sahədə çalışmaq imkanı əldə edirlər. Bu həm şəxsi, həm də ictimai baxımdan əhəmiyyətli bir peşədir.

Həyat Fəaliyyətinin Təhlükəsizliyi mühəndisliyi ixtisası çərçivəsində abuturiyentlər müasir təhlükəsizlik texnologiyaları, risk idarəetməsi, fövqəladə hallara hazırlıq və təhlükəsizlik standartları kimi mövzular üzrə təhsil alırlar. Bu onları əmək bazarında rəqabətədavamlı edir.